• أرسل إلى صديق أرسل إلى صديق
  • نسخة للطباعة نسخة للطباعة
  • نسخة نصية كاملة نسخة نصية كاملة

Tagged as

لا توجد مدونات لهذا الموضوع

استطلاع رأي

ما رايك بالموقع

مسخره السنين بين الجلسات العرفيه والمتطرفيين

حجم الخط: Decrease font Enlarge font
مسخره السنين بين الجلسات العرفيه والمتطرفيين

على مدى سنوات طويله واشتغاله الجلسات العرفيه شغاله على المسيحيين فى مصر وكأنهم مش مصريين !!!!! ومن يدير جلسات العار هم هم نفسهم المتطرفيين ال قتلوا مسيحيين وحرقوا بيتوهم وهجروهم وحرقوا الكنايس - لا تخرج قبل ان تقول سبحان الله !!!! اصلا انا مش فاهمه ايه الفيلم الفاشل ده المصرى مصرى وحقه يجى بالقانون وزمن جلسات العار ولى ومضى ولن يعود . بعد احداث دلجا الارهابيين المتطرفيين طلبوا من المصريين التوقيع على ما يفيد ان لم يحدث لهم أى ضرر - وهددوا المصريين ان يقولوا مين هم الارهابيين!!!!! كل ده طول عمره بيحصل فى الصعيد المليان بالارهابيين والمتطرفيين فكريا ودينيا وفى كل مكان فى مصر كلها يحدث نفس الشىء . من وجهه نظرى ان ده مش فتنه طائفيه بقدر ما هو اهمال للقانون والتهاون فى العدل - وعدم معامله المسيحيين على انهم مصريين !!! ده بقى بالنسبه لى اعجب شىء مش لقيه له أى تفسير -- المسيحيين هم اهل مصر وهم مصريين من زمان مش ناس مهاجره و جايه تستقر فى مصر مثلا . كمان وده الاهم انى احب اشرح للناس التى لا تفهم ان حتى لو فى عدد السكان من هم اقليه أو عدد اقل من الباقيين ايا كانوا - يبقى لازم يتعاملوا أحسن معامله والكلام ده مش كلامى ده بيحصل فى كل دول الحريات والديمقراطيه و الدول التى تحترم حقوق الانسان . أرجوا وأطلب ان تتوقف الجلسات العرفيه الخاليه من أى عدل أو قانون وأن يحترم الجميع نفسه ويراعوا ربنا ويفكروا ليه الجلسات دى ما بتحصل للمسلميين مثلا لو حصل لهم نفس الاضطهاد ونفس المشاكل ونفس الارهاب ؟؟؟؟؟ وبدايه الاصلاح ووقف الجلسات يكون عن طريق عدم التهاون فى حق اى مسيحى ورفض اى صلح والدوله القويه هى الدوله التى تطبق القانون على الجميع وأرجوا من الكنيسه المصريه ان تتمسك بحقها وبحق كل مسيحى ان ياخد حقه بالعدل والقانون . كمان ارجوا ان كل المصريين يفهموا الكلام ده ويرفضوا ما يحدث للمسيحيين لانه مش عدل ولا يمكن ان يستمر . ومن غير المقبول أو المعقول ان المتطرف الارهابى هو هو نفسه المسئول عن جلسات العار . كل واحد قتل أو حرق أو ارتكب اى جريمه لازم تيحاكم علشان يكون عبره لغيره ومصر كلها الان فى حرب ضد الارهاب وكل المصريين لازم يتذكروا ان المسيحيين تحملوا فوق طاقتهم ولم يطلبوا التدخل الحارجى فى مصر لا العسكرى ولا حتى السياسى ولا حقوق الانسان ووقف البابا تواضروس موقف الرجل المصرى الوطنى - روحوا بقى شفوا بتوع الشريعه والدقون وتجار الدين ال قرفونا فى عيشتنا وخربوا البلد هم من يطلبوا التدخل الخارجى ومازلوا مع الاسف . العدل المتأخر هو الظلم نفسه - وأولى مطالب المواطنه هى حق اى مصرى . لموا القتله على السجون ولموا المتطرفيين فكريا على مصحات ولموا المؤيديين لهم من أنصاف المتعلميين على مراكز تأهيل وأتقوا الله فى كل المصريين .

Subscribe to comments feed التعليقات (1 تعليقات سابقة)

avatar
استاكوزا 26/09/2013 17:49:44
ربنا مطلع وقادر ان يهدى الارهابين والقتلة الذئاب البشرية ليصيروا حملان
المجموع: 1 | عرض: 1 - 1

أضف تعليقك

  • Bold
  • Italic
  • Underline
  • Quote

رجاء أدخل الكود الموجود داخل الصورة:

Captcha